У Валожынскім Вішневе адноўленая крыніца



У Вішневе на Валожыншчыне ў мінулую суботу каля мясцовага касцёлу ўрачыста адкрыта крыніца, якая шэсць стагоддзяў давала людзям гаючую ваду, а у савецкія часы была закіданая камянямі.
Паводле народнага падання, вада з крыніцы ад касцёлу Наведвання найсвяцейшай дзевы Марыі дапамагае хворым на рэўматызм і лечыць ад захворванняў зроку. Пасля асвячэння крыніцы сюды за жыватворнай вадой едуць людзі з усіх куткоў Беларусі.